អាជ្ញាធរជាតិអប្សរា បង្កើតគ្រុបតេឡេក្រាម និងលេខទូរសព្ទសម្រាប់ទាក់ទងសួររឿងសេវាកម្មផ្សេងៗនៅតំបន់អង្គរ
សៀមរាប៖ អាជ្ញាធរជាតិអប្សរា បានបង្កើតបណ្តាញសង្គមតេលេក្រាម និងលេខទូរសព្ទ សម្រាប់ទាក់ទងសួរអំពីការផ្តល់សេវាកម្មផ្សេងៗក្នុងរមណីយដ្ឋានអង្គរ ដូចជាការស្នើសុំថតនៅតាមប្រាសាទក្នុងខេត្តសៀមរាប។
អាជ្ញាធរជាតិអប្សរា បានបង្កើតបណ្តោញទំនាក់ទំនងតាមអនឡាញនេះក្នុងគោលដៅសម្រួលដល់ការស្នើសុំការអនុញ្ញាត និងនីតិវិធីនៃការរៀបចំបែបបទពាក់ព័ន្ធ នឹងការស្នើសុំផ្តល់សេវាកម្មផ្សេងៗក្នុងរមណីយដ្ឋានអង្គរព្រមទាំងដើម្បីកាត់បន្ថយការចំណាយពេលវេលា។
សាធារណជនដែលមានចម្ងល់អំពីនីតិវិធីនៃការរៀបចំបែបបទពាក់ព័ន្ធ នឹងការស្នើសុំផ្តល់សេវាកម្មផ្សេងៗក្នុងរមណីយដ្ឋានអង្គរ អាចភ្ជាប់ទៅនឹងគ្រុបតេឡេក្រាមឈ្មោះ «មជ្ឈមណ្ឌលសេវាកម្មនៃអាជ្ញាធរជាតិអប្សរា» ឬក៏អាចខលទៅលេខទូរស័ព្ទ (CALL CENTER) ០១៤ ២២២ ៥៩៩៕
